Hum Tum Jab Yaadon Ke Safar Me.....

Hum tum aksar yaadon ke safar me,
Saath chala karte the,
Kuch baatein hum kahte the
Aur kuch tum kaha karte the.

Kabhi sardi ki dhoop me,
Sadko par tahla karte the,

To kabhi bina chhatri,
Barish ka maza liya karte the.

Kabhi class me sath baith kar,
Padhai kiya karte the,
To kabhi ghumne ki jid me,
Class bank kiya karte the.

Kabhi faltu lecture se hum.
Bore hua karte the,
To kabhi exam me bhi chhuttiyo ke,
Din gina karte the.

Kabhi ruthte ek duje se,
Kabhi use manate the,
Kabhi ghumne ke chakkar me,
Ghar pe daant bahut khate the.

Kabhi exam ke ek din pahle,
Book khola karte the,
Kisne kya kya padh liya,
Ye bhi pucha karte the.

Kabhi ghatia marks dekh kar,
Khud pe hi hasa karte the,
To kabhi copy re-check ke liye,
Form bhara karte the.

Ab to ye saari chize,
Ho gayi hai baat purani,
Jab khud ki galti pe bhi,
Duje pe bigda karte the.

Ab to bas un saari baaton ko,
Yaad kiya karte hai,
Hum tum jab yaadon ke safar me,
Saath chala karte the.

                 - -By Manisha- -